Վենեսուելա ներխուժելու սպառնալիքները հնչում են Վաշինգտոնից. ՌԴ ԱԳՆ

Վենեսուելայում ստեղծված իրավիճակում գլխավոր խնդիրն է թույլ չտալ ազդեցություն դրսից, առաջին հերթին` ռազմական: Այդ մասին РИА Новости-ի հետ զրույցում ասել է ՌԴ ԱԳՆ-ի` լատինաաամերիկյան դեպարտամենտի տնօրեն Ալեքսանդր Շչետինինը:

«Օտարերկրյա ներխուժման հարցը դրվել է ոչ մեր կողմից: Մենք ուշադրություն ենք հրավիրել այն քայլերին որոնք հնարավոր է համարել ամերիկյան բարձրագույն ղեկավարությունը»,- ասել է նա:

Հիշեցնենք, որ ավելի վաղ ԱՄՆ պետքարտուղար Մայք Պոմպեոն չէր բացառել Վենեսուելայում ռազմական միջամտությունը:

Վենեսուելայում շարունակվում են նախագահ Նիկոլաս Մադուրոյի դեմ ցույցերը: Ընդդիմության առաջնորդ Խուան Գուաիդոն իրեն երկրի նախագահ է  հռչակել, նրան ճանաչել են ԱՄՆ-ը, Վրաստանը և այլ երկրներ: