Զախարովան բարկացրել է ադրբեջանցիներին

Ադրբեջանում ազգային հատկանիշով ՌԴ քաղաքացիների ձերբակալությունը և արտաքսումը նրանց իրավունքների կոպիտ խախտում է: Այդ մասին ավանդական ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:

Նշենք, որ դեկտեմբերի 29-ին Արդբեջանը թույլ չի տվել Ադրբեջան մուտք գործել Քրիստինա Գևորգյանին, որը ցանկանում էր տոներն անցկացնել Բաքվում:

«Տոների ընթացքում եղել են միջադեպեր: Մենք գրանցել ենք դրանք նաև նախկինում: Մենք մշտապես բարձրացում ենք այդ հարցը ադրբեջանական կողմի մոտ, ասել, որ նման դեպքերը, ցավոք, ավանդույթ են դառնում` ոչ ճիշտ և ոչ լավ»,- ասել է Զախարովան:

Ըստ նրա` նման դեպքերը հակասում են մի շարք ռուս-ադրբեջանական համաձայնագրերի ոգուն ու տառին:

Նշենք, որ ադրբեջանական Haqqin.az-ը կայքր վերնագրել է նյութը այսպես` «Զախարովան դարձյալ «վրա է տվել» Ադրբեջանին»: Կայքը մեղադրում է  Զախարովային հայամետ դիրքորոշման մեջ: