ԼՂ հակամարտության կարգավորման ուղիների որոնումը 2019-ին կշարունակի լինել Ադրբեջանի գլխավոր խնդիրը

ԼՂ հակամարտության կարգավորման ուղիների որոնումը 2019-ին կշարունակի լինել Ադրբեջանի գլխավոր խնդիրը: Այդ մասին հայտարարել է Ադրբեջանի ԱԳՆ ղեկավար Էլմար Մամեդյարովը. հայտնում է Trend-ը:

«Հիմնական նպատակն է ինչ-որ զգալի արդյունքների հասնելը: Դա ոչ միայն իմ երազանքն է, ես կարծում եմ, դա յուրաքանչյուր ադրբեջանցու երազանքն է: Կարծում եմ, որ իմ հայ գործընկերոջ հետ Միլանում կայացած վերջին հանդիպման ժամանակ մենք երկար տարիների ընթացքում առաջին անգամ ինչ-որ փոխըմբռնման հասանք»,- ասել է նա:

Մամեդյարովը նշել է, որ հաջորդ ամիս կկայանա իր հանդիպումը ՀՀ ԱԳՆ ղեկավարի հետ: «Մենք կքննարկենք հակամարտության լուծման ուղիները: Ադրբեջանը հանդես է գալիս հակամարտության խաղաղ կարգավորման օգտին»,- ասել է նա: