Նեթանյահուն համակրում է քուրդ զինյալներին. Չավուշօղլու

Թուրքիայի ԱԳ նախարար Մևլութ Չավուշօղլուն պատասխանել է լրագրողի` Իսրայելի վարչապետ Բինյամին Նեթանյահուի մասին հնչեցրած հարցին:

Ըստ Demokrathaber-ի` լրագրողը հիշեցրել է Նեթանյահուի այն հայտարարությունը, որ Էրդողանը միշտ հակահրեական հայտարարություններ է հնչեցնում, ինչին ի պատասխան` Չավուշօղլուն ասել է. «Նեթանյահուն վերջերս անհանգիստ է, քանի որ հասկացավ` չի կարող մասնատել Սիրիան: Նեթանյահուի նպատակը Սիրիայում քրդական ուժերի (Քուրդիստանի բանվորական կուսակցության (սույն կազմակերպությունները Թուրքիայի իշխանությունների կողմից համարվում են ահաբեկչական խմբ.) միջոցով Սիրիան պարակտելն է: Նա համակրում է ՔԲԿ-ին: ՔԲԿ-ն և Նեթանյահուն ունեն մեկ համատեղություն` երկուսն էլ երեխա սպանող են»: