Ուկրաինայի բանակը բերվել է մարտական պատրաստվածության

Ուկրաինայի բանակը և Ուկրաինայի անվտանգության ծառայությունը մարտական պատրաստվածության են բերվել. հայտնում է РИА Новости-ն: Դա արվել է ռազմական դրություն սահմանելու որոշման հիման վրա` Ուկրաինայի տարածքում ՌԴ հատուկ ծառայությունների այլ սադրանքները թույլ չտալու համար:

Երեկ ուկրաինական մի քանի նավեր հատել են ՌԴ-ի սահմանը: Դրանք մտել են ռուսական` ժամանակավորապես փակ ջրատարածք և չեն ենթարկվել ռուսական կողմի նախազգուշացումներին: Ռուսական կողմը կրակ է բացել, վիրավորվել է 3 ուկրաինացի զինվորական, նրանց բժշկական օգնություն են ցույց տվել, կյանքին սպառնացող վտանգ չկա: Նավերը ձերբակալվել են:

ՌԴ-ն քրեական գործ է հարուցել և ՄԱԿ-ի Անվտանգության խորհրդի շտապ նիստ հրավիրել Ազովի ծովում ստեղծված իրավիճակի հետ կապված: