ԱԺ-ն առաջին ընթերցմամբ մի շարք օրենքներ ընդունեց

ԱԺ-ն այսօր առաջին ընթերցմամբ մի շարք օրենքներ ընդունեց, մասնավորապես` «Պաշտոնատար անձանց գործունեության ապահովման, սպասարկման և սոցիալական երաշխիքների մասին» ՀՀ օրենքում փոփոխություններ ու լրացումներ կատարելու մասին, ինչպես նաև «Աշխատանքային օրենսգրքում փոփոխություններ և լրացումներ կատարելու օրենքի մասին» նախագծերը:

«Աշխատանքային օրենսգրքում փոփոխություններ և լրացումներ կատարելու օրենքի մասին» նախագիծը ենթադրում էր երկարացնել աշխատանքային գրքույկների սկանավորման համար նախատեսված ժամկետը: Հիշեցնենք, որ 2017-ի հունվարի 1-ից ուժի մեջ է մտել օրենքը, ըստ որի` աշխատանքային գրքույկները դուրս են գալիս գործածությունից: Աշխատանքային գրքույկները պետք է սկանավորվեին, ինչի համար տրվել էր երկու տարի ժամանակ, սակայն 500-550 հազար գրքույկներից միայն 270 հազարն է թվայնացվել, և մնացած գրքույկները սկանավորելու համար հավելյալ ժամանակ կտրամադրվի: