Տրանսպորտի և կապի նախարարի պաշտոնակատարը ևս կառաջադրվի ՔՊ ռեյտինգային ցուցակով

Ամենայն հավանականությամբ, տրանսպորտի, կապի և տեղեկատվական տեխնոլոգիաների նախարարի պաշտոնակատար Հակոբ Արշակյանը կլինի ՔՊ ցուցակում` որպես ռեյտինգային թեկնածու: Կառավարության նիստից հետո լրագրողներին հայտնեց ինքը` Արշակյանը:

Հարցին` նախարարությունում կուսակցական լինելու խնդիր դրվե՞լ է, նա պատասխանեց. «Երբևէ այդպիսի հարց իմ կողմից չի քննարկվե: Նախընտրական շրջանում տեղի է ունեցել ժողով, և իմ գերատեսչության աշխատակիցներին խստորեն արգելել եմ աշխատանքային ժամներին կուսակցական որևէ գործունեություն ծավալել»:

Հարցին էլ` կմասնակցի՞ քարոզարշավին, Արշակյանը պատասխանեց, որ, այո, աշխատանքային ժամերից դուրս, նաև` արձակուրդի ընթացքում:

Նա տեղեկացրեց, որ առաջադրվելու է Դավթաշեն, Աջափնյակ և Արաբկիր վարչական շրջանից: