ՄՈՍԱԴ-ը ցանկանում է փչացնել Իրան-ԵՄ hարաբերությունները. Իրանի ԱԳՆ

Իրանի դեմ Դանիայի առաջ քաշած մեղադրանքներն անհրաժեշտ է դիտարկել իսրայելական  հատուկ ծառայությունների` ՄՈՍԱԴ-ի սադրիչ գործողությունների տրամաբանության շրջանակներում: Այդ մասին Twitter-ի իր էջում գրել է Իրանի ԱԳ նախարար Մոհամադ Ջավադ Զարիֆը` անդրադառնալով նախօրեին դանիական իշխանությունների կողմից Իրանին հասցեագրված մեղադրանքներին:

Հիշեցնենք, որ Դանիան Իրանին մեղադրել է իրանական հետախուզության կողմից իր տարածքում Իրանի հակառակորդներից մեկի նկատմամբ մահափորձ կազմակերպելու մեջ:

«ՄՈՍԱԴ-ի համառ և սադրիչ գործողություններն Իրանին առավել վճռական են դարձնում` ամրապնդելու աշխարհի հետ իր կառուցողական գործակցությունը»,- գրել է Զարիֆը:

Իսրայելական «The Jerusalem Post» պարբերականն իր` հոկտեմբերի 31-ի համարում տեղեկացրել էր Դանիայի կողմից Իրանին հասցեագրված մեղադրանքների գործում ՄՈՍԱԴ-ի անմիջական դերակատարության մասին: