Բոլթոնը կփորձի համոզել Վրաստանին նվազեցնել տնտեսական կապերն Իրանի հետ. Газета-ի անդրադարձը

Թբիլիսին դարձել է ԱՄՆ նախագահի ազգային անվտանգության հարցերով խորհրդական Ջոն Բոլթոնի վերջին կանգառը տարածաշրջանում: Վրաստանը Վաշինգտոնի համար նշանակություն ունի, քանի որ ՆԱՏՕ-ից դուրս իր դաշնակիցն է. գրում է Газета.ру-ն:

Ըստ թերթի` Բոլթոնի Վրաստանի այցի կարևոր մասն է Իրանի հետ կապված խնդիրների քննարկումը:

«Այցի ընթացքում Բոլթոնը պետք է համոզի պաշտոնական Թբիլիսիին նվազեցնել տնտեսական հարաբերությունները Թեհրանի հետ: Իրանն այսօր ակտիվ ներդրումներ է անում Վրաստանում՝ այն դիտարկելով որպես առևտրային ճանապարհի կարևոր մաս Կովկասի հարավում: ԱՄՆ-ն ցանկանում է քանդել այդ կապերը»,- նշում է Վաշինգտոնում գործող Gulf State Analytics կենտրոնի փորձագետ Թեոդոր Կարասիկը: