Սաուդցի լրագրողի սպանությունը նախապես ծրագրված է եղել. Էրդողան

Սաուդցի ընդդիմադիր լրագրող Ջամալ Խաշուկջիի սպանությունը նախապես ծրագրված է եղել: Այդ մասին այսօր հայտարարել է  Թուրքիայի նախագահ Ռեջեփ Թայիփ Էրդողանը. հայտնում է Интерфакс-ը:

Նրա խոսքով` մարդասպանները սկսել են պատրաստվել սպանությանը դեռ սեպտեմբերի վերջին, նրանք գիտեին, որ հոկտեմբերի 2-ին Խաշուկջին կլինի Թուրքիայում և կայցելի Սաուդյան Արաբիայի հյուպատոսություն:

Էրդողանը նաև պատմել է, որ հյուպատոսությունից անհետացել է կոշտ սկավառակը, որի վրա պահվում էին տեսախցիկների ֆիքսած կադրերը: Նրա խոսքով` սպանության հետ կապ ունեն Սաուդյան Արաբիայի 15 հպատակներ:

Էրդողանը նաև նշել է, որ մարդասպանները պետք է դատվեն Թւրքիայում, քանի որ հենց այնտեղ է տեղի ունեցել սպանությունը: