Վահագն Հովակիմյանը հերքում է, որ պատրաստվում է դառնալ Երևանի փոխքաղաքապետ

«Քաղաքացիական պայմանագիր» կուսակցության անդամ, Երևանի քաղաքապետարանի «Իմ քայլը» դաշինքի ավագանու անդամ Վահագն Հովակիմյանը ֆեյսբուքյան իր էջում հերքել է տեղեկությունը, թե պատրատասվում է դառնալ Երևանի փոխքաղաքապետ:

«Հարգելի ընկերներ (և ոչ միայն), լրագրող գործընկերներիս նոր զանգերը կանխելու համար տեղեկացնում եմ, որ Երևանի քաղաքապետի տեղակալ չեմ նշանակվելու։ Ավելին, դեռևս հոկտեմբերի 17-ին ավագանու անդամի մանդատից հրաժարվելու դիմում եմ ներկայացրել։ Ներկայումս իմ գործընկերների հետ պատրաստվում ենք ԱԺ արտահերթ ընտրություններին, որպեսզի Երևանի ավագանու արտահերթ ընտրությունների պես խորհրդարանական ընտրությունները ևս լինեն ազատ, արդար և թափանցիկ»,- գրել է նա: