Կադրային որոշումներն իրականացվել են քաղաքական հայտնի իրադարձությունների բերումով. Փաշինյան

Այսօր կառավարության նիստում ներառված էր մի շարք նախարարների ու մարզպետերի աշխատանքից ազատելու մասին հարցը:

Վարչապետ Փաշինյանը նշեց. «Դուք գիտեք` ինչի հետ է դա կապված, քաղաքական վերջին օրերի իրադարձությունները տեղի են ունեցել բոլորի աչքի առաջ: Գիտեք նաև, որ մի շարք նախարարներ ազատվել են աշխատանքից: Ուզում եմ մեր նախկին գործընկերներին` նախարարներին, շնորհակալություն հայտնել համատեղ աշխատանքի համար: Կադրային որոշումները իրականացվել են քաղաքական հայտնի իրադարձությունների բերումով: Ուզում եմ մեր գործընկերներին հաջողություններ մաղթել: Լավագույն մաղթանքներս հղում եմ աշխատանքից ազատված նախարարներին ու մարզպետերին»:

Որոշումներն ընդունվեցին: