1 մլրդ դոլարի ներդրումային առաջարկներ ենք ստացել. Արծվիկ Մինասյան

Մայիսի 15-ից մինչև այս պահը շուրջ 1 միլիարդ ԱՄՆ դոլարի ներդրումային առաջարկներ ենք ստացել. նախարարության գործունեության 100 օրն ամփոփելիս տեղեկացրեց տնտեսական զարգացման և ներդրումների նախարար Արծվիկ Մինասյանը:

«Ներդրումային առաջարկներ ենք ստացել, եթե դրանք վերածենք թվերի, կանցնի 1 մլրդ դոլարը, բայց մենք, բնականաբար, փորձում ենք գնահատել իրատեսականը: Այդ մեկ միլիարդից առնվազն 240 միլիոնն իրատեսական է»,- ասաց նա:

Մինասյանը նշեց, որ աշխատում են այդ կազմակերպությունների ներկայացուցիչների հետ: «Աշխատում ենք նրանց հետ, որպեսզի նրանց գաղափարները վերածվեն բիզնես ծրագրերի կամ գործարար նախաձեռնությունների` կոնկրետ արդյունքների հասնելու համար»,- ասաց նախարարը: