Զինված հարձակում` Ավանում գործող բուքմեյքերական կետի վրա

Այս գիշեր զինված ավազակային հարձակում է տեղի ունեցել Երևանում։ Ժամը 02։05-ի սահմաններում ոստիկանությունում ահազանգ է ստացվել, որ Ավան վարչական շրջանի Սաֆարյան փողոցում գործող «Վիվարո» բուքմեյքերական կետի վրա ավազակային հարձակում է տեղի ունեցել։

Yerkir.am-ին ոստիկանությունից հայտնեցին, որ անհայտ անձը, գլխարկով, բժշկական դիմակով դեմքը փակած, մտել է նշված բուքմեյքերական կենտրոն, զենքի սպառնալիքով գրասենյակի օպերատորից գումար հափշտակել, ապա` դիմել փախուստի:

Ոստիկանությունն ու քննչական բաժինը ձեռնարկում են անհրաժեշտ օպերատիվ-հետախուզական և քննչական համատեղ գործողություններ հանցագործությունը բացահայտելու, հանցագործություն կատարած անձի ինքնությունը պարզելու և նրան հայտնաբերելու ուղղությամբ։