Սկսվել են Կխաո Լուանգ քարանձավում դեռևս մնացած 5 մարդկանց տարհանման աշխատանքները

Թաիլանդում փրկարարները սկսել են Կխաո Լուանգ քարանձավում դեռևս մնացած 4 երեխաների և նրանց 25-ամյա մարզչի տարհանման աշխատանքները. ըստ ТАСС-ի` հայտնում է Khaosod թերթը:

«Եթե ամեն ինչ ծրագրվածով ընթանա, այսօր դուրս կբերվեն 4 երեխաները, բժիշկները, մարզիչը և ջրասուզակները»,- ասել է գործողության ղեկավարը` հավելելով, որ, չնայած ժամանակ առ ժամանակ տեղացող հորդ անձրևին, քարանձավում ջրի մակարդակն այնպիսին է, որ չի խանգարի տարհանմանը:

Հունիսի 23-ին ֆուտբոլային ակումբից 11-16 տարեկան 12 դպրոցական և նրանց 25-ամյա մարզիչը գնացել էին Կխաո Լուանգ քարանձավը, սակայն հանկարծակի հորդացած անձրևը հեղեղել էր քարանձավի մուտքը:

Հուլիսի 8-ին և 9-ին ջրասուզակներին հաջողվել էր չորսական երեխա դուրս բերվել քարանձավից: