Էրդողանի փեսային դատի են տվել անձնական հաղորդագրություններով մարդկանց անհանգստացնելու համար

Թուրքիայի նախագահ Ռեջեփ Թայիփ Էրդողանի փեսա, էներգետիկայի և բնական պաշարների նախարար Բերաթ Ալբայրաքին դատի են տվել: Ըստ Diken-ի` դատի պատճառ է դարձել այն, որ նա, անձնական հաղորդագրություններով նախընտրական քարոզչություն իրականացնելով, մարդկանց անհանգստություն է պատճառել:

Բողոքը ներկայացրել է անկախ պատգամավորի թեկնածու Այդեմիր Գյուլերը:

Ուշագրավ է, որ հաղորդագրությունների հետ կապված իր դժգոհությունն է հայտնել Fox TV-ի թուրքական ծառայության հաղորդավարներից Ֆաթիհ Փորթաքալը։ «Ո՞վ է տվել ձեզ իմ հեռախոսահամարը։ Որտեղի՞ց եք վերցնում ինձ անձնական հաղորդագրություն ուղարկելու քաջություն»,- ասել է նա: