Իսրայելի ՊՆ ղեկավարը մեկնաբանել է իրանական դիրքերին hարվածելու փաստը

Իսրայելի պաշտպանության նախարար Ավիգդոր Լիբերմանը մեկնաբանել է անցած գիշեր Սիրիայի տարածքում իրանական ուժերի հետ փոխադարձ հարվածներ հասցնելու փաստը` հույս հայտնելով, որ դա շարունակություն չի ունենա. հայտնում է РИА Новости-ն։

«Իհարկե, մենք պատասխանել ենք... Սիրիայում գտնվող իրանական գրեթե բոլոր ենթակառուցվածքներին։ Նրանք պետք է հիշեն` եթե անձրև գա, ապա կհոսի նրանց կողմում»,- հայտարարել է Իսրայելի ՊՆ ղեկավարը։

Հիշեցնենք, որ իսրայելական կողմը հայտնել էր, որ անցած գիշեր պատասխան հարձակում է ձեռնարկել Սիրիայում իրանական ռազմական օբյեկտների ուղղությամբ՝ ի պատասխան Գոլանի բարձունքներում իրենց դիրքերը հրթիռակոծելուն։