ՀՀԿ-ն համապատասխան ձայներով աջակցելու է Փաշինյանին, որ նա ընտրվի. Շարմազանով

Մենք օժանդակելու ենք պատգամավորների 1/3-ի օժանդակությունն ունեցող վարչապետի թեկնածուին` Նիկոլ Փաշինյանին. ՀՀԿ ԳՄ, և խմբակցության նիստերից հետո լրագրողների հետ ճեպազրույցում հայտնեց ՀՀԿ մամուլի խոսնակ Էդուարդ Շարմազանովը:

«Եթե ես չեմ սխալվում` նրա օգտին  հավաքվել է պատգամավորների 45 ստորագրություն: ՀՀԿ-ն համապատասխան ձայներով աջակցելու է նրան, որպեսզի վաղը ընտրենք վարչապետ: Մենք ենք հորդորել այդ պատգամավորներին, որ նրանք կողմ քվեարկեն նրա օգտին. այստեղ` կուսակցությունում, տարանջատում, բաժանում չկա»,- հայտարարեց նա:

Իսկ թե ո՞ր պատգամավորներն են կողմ քվեարկելու, Շարմազանովը չհստակեցրեց: Նա ասաց, որ վաղը խմբակցության ելույթի ժամանակ այդ մասին կհայտարարի խմբակցության ղեկավար Վահրամ Բաղդասարյանը:

Ինչ վերաբերում է այսօր ԳՄ նիստի ժամանակ տեղի ունեցած վիճաբանության լուրերին, Շարմազանովն ասաց, որ որևէ վիճաբանության ոչ ներկա է եղել, ոչ էլ` լսել: