Ձեռքի շարժումները շատ են, դրանք փոխեք դեմքի միմիկայի. Վահրամ Բաղդասարյանի խորհուրդը` Նիկոլ Փաշինյանին

ԱԺ-ում այսօր քննարկվում է ՀՀ 4-րդ նախագահ թեկնածու Արմեն Սարգսյանին ընտրելու հարցը: ԱԺ ՀՀԿ խմբակցության ղեկավար Վահրամ Բաղդասարյանը պատասխանեց Նիկոլ Փաշինյանի ելույթին: Նա նշեց, որ չի կարող խոսել նույն հռետորությամբ: «Չեմ կարող խոսել նույն հռետորաբանությամբ, ինչ պարոն Փաշինյանը: Ես հանրապետության մեջ երեք հոգու գիտեմ, որ, ժեստիկուլյացիայի հետ կապված, հայելու դեմ մի քանի ժամ պարապմունք են անցկացնում: Այսօր շատ ուրախ եմ նաև, որ 4-րդին էլ հայտնաբերեցի»,- ասաց Բաղդասարյանը:

Նա` որպես ավագ ընկեր, խորհուրդ տվեց Փաշինյանին. «Որպես ավագ ընկեր` մի խորհուրդ տամ` ձեռքի շարժումները շատ են, դրանք փոխեք դեմքի միմիկայի, դա ավելի ազդեցիկ կլինի լսարանի վրա, դա իմ բազմամյա փորձից եմ ասում»: