2018-ին կանխատեսվում է Հայաստան ուղևորվող ռուս զբոսաշրջիկների թվի աճ

2018 թվականին կանխատեսվում է Հայաստան ուղևորվող ռուսաստանցի զբոսաշրջիկների թվի աճ: Այս մասին ասվում է Ռուսաստանի տուրօպերատորների ասոցիացիայի կայքում:

Զբոսաշրջիկների հոսքի աճի վրա դրական ազդեցություն է ունեցել ներքին ռուսական անձնագրերով Հայաստան մեկնելու հնարավորությունը: Հիշեցնենք, որ դա հնարավոր է դարձել 2017-ի փետրվարի 23-ից:

Ըստ շուկայի մասնակիցների արձագանքների` ռուսաստանցիները ամենից հաճախ Հայաստան են գալիս զբոսաշրջային նպատակներով, պահանջարկ ունի նաև առողջարարական հանգիստը: Երևանից բացի, զբոսաշրջիկներն այցելում են Ծաղկաձոր, Ջերմուկ, Սևան, ինչպես նաև Տաթևի վանք, Գառնի և Գեղարդ:

«Մուլտիտուր» ընկերությունում հույս ունեն, որ 2018-ին դեպի Հայաստան չվերթերի թիվը կաճի 25 տոկսով: