Հորդանանը դատապարտել է Երուսաղեմի քրիստոնեական եկեղեցիների դեմ Իսրայելի իշխանությունների քայլերը

Հորդանանի կառավարության պաշտոնական ներկայացուցիչ, տեղեկատվության հարցերով նախարար Մուհամեդ ալ Մումանին հայտարարել է, որ թագավորությունը դատապարտում է Երուսաղեմի քրիստոնեական տաճարների նկատմամբ իսրայելական իշխանությունների գործողությունները և պահանջում «դադարեցնել Երուսաղեմի եկեղեցիների նկատմամբ ճնշումները». հայտնում է Коммерсантъ-ը:

Ավելի վաղ Տիրոջ գերեզմանի տաճարը փակվել էր անհայտ ժամկետով ՝ ի նշան քաղաքային իշխանությունների` նրանցից պետական հարկ գանձելու մտադրության դեմ բողոքի:  Երուսաղեմի իշխանությունները պահանջում են վճարել 53 միլիոն դոլարին համարժեք` նախորդ տարիների կուտակած պարտքերը:

Ալ Մումանիի խոսքով՝ Երուսաղեմի եկեղեցիները նախկինում չէին հարկվում, իսկ քաղաքային մարմինների կողմից դրանց բանկային հաշիվների սառեցումն անթույլատրելի քայլ է: