Մխիթարյանի տրանսֆերը ձգձգվում է. հայ ֆուտբոլիստը մարզվել է ՄՅՈւ-ի հետ

Հայաստանի ազգային հավաքականի ու «Մանչեսթեր Յունայթեդ»-ի կիսապաշտպան Հենրիխ Մխիթարյանի հնարավոր տրանսֆերը «Արսենալ» շարունակում է  մնալ մարզական հեղինակավոր պարբերականների  ուշադրության կենտրոնում:

Մինչ բրիտանական ԶԼՄ-ները պնդում են, որ Մխիթարյանն արդեն Լոնդոնում է և մոտ է պայմանագիր կնքելուն լոնդոնյան ակումբի հետ, հայ ֆուտբոլիստը երեկ լուսանկար է հրապարակել ՄՅՈւ-ի մարզումից: 

Հիշեցնենք, որ Մխիթարյանի հնարավոր տրանսֆերի մասին լուրը հաստատել է նաև «զինագործների» գլխավոր մարզիչ Արսեն Վենգերը: 

«Արսենալ»-ի հարձակվող Ալեքսիս Սանչեսը պայմանագիր կստորագրի մանչեսթերյան ակումբի հետ: Հայ ֆուտբոլիստը ներառված է հենց այս գործարքում: Չիլիացու տրանսֆերի մասին դեռևս պաշտոնապես չի հայտարարվել, սակայն Մանչեսթերում սկսվել են Սանչեսի անվանական մարզաշապիկների վաճառքը: