ԱՊՀ-ի հարավում ահաբեկչական վտանգը մեծանում է. ՌԴ գլխավոր շտաբ

Ահաբեկչական վտանգը մեծանում  է ԱՊՀ-ի հարավային սահմաններին. հայտարարել է Ռուսաստանի Դաշնության զինված ուժերի գլխավոր շտաբի ղեկավարի տեղակալ Սերգեյ Իստրակովը` ԱՊՀ երկրների զինված ուժերի շտաբների ղեկավարների կոմիտեի նիստի արդյունքները ներկայացնելով. հայտնում է РИА Новости-ն:

Նա պատմել է, որ հանդիպման ընթացքում հաջողվել է վերլուծել երկրների ռազմական ոլորտում համագործակցության արդյունքները  և համաձայնեցնել համատեղ միջոցառումները մոտ ապագայում` առաջնորդվելով ԱՊՀ երկրների` մինչև 2020 թվականը գործող ռազմական համագործակցության հայեցակարգով:

 Նիստի մասնակիցները քննարկել են միջազգային ահաբեկչությանը հակազդեցության հարցերը և Կենտրոնական Ասիայի պետությունների անվտանգության սպառնալիքները: