Մոսկովյան բանկում պատանդներ վերցրած գործարար Արամ Պետրոսյանը մասամբ ընդունել է մեղքը

2016 թվականին «Սիթիբանկ»-ի մոսկովյան մասնաճյուղում պատանդներ վերցրած գործարար Արամ Պետրոսյանը մասամբ ընդունել է մեղքը. հայտնում է РИА Новости-ն:

Պետրոսյանը մեղադրվում է ահաբեկչության և պատանդներ վերցնելու մեջ:  Քննության ընթացքում գործարարն ընդունել է պատանդներ վերցնելու մեղքը, բայց ոչ` ահաբեկչության մեղքը:

«Ես համաձայն չեմ ներկայացված մեղադրանքների հետ, ես ահաբեկիչ չեմ: Պատանդներ, այո, վերցրել եմ»,- ասել է Պետրոսյանը այն բանից հետո, երբ դատախազը հրապարակել է գործով մեղադրական եզրակացությունը:

Դրանից բացի` չորեքշաբթի մեղադրյալը դատարանին ուղղված դիմում է կարդացել, որում խնդրել է, որպես հանրային պաշտպան, հրավիրել Ռուսաստանի նախագահ Վլադիմիր Պուտինին: