Պուտինը Հայաստանում միացյալ զորախմբի հարցով ներկայացուցիչ է նշանակել

ՌԴ նախագահ Վլադիմիր Պուտինը ՌԴ պաշտպանության փոխնախարար Նիկոլայ Պանկովին նշանակել է Հայաստանում միացյալ զորախմբի հարցով ներկայացուցիչ: Փաստաթուղթը տեղադրված է համապատասխան իրավական ինտերնետային  հարթակում: Այս մասին գրում է lenta.ru-ն:

«Նշանակել ՌԴ պաշտպանության փոխնախարար Նիկոլայ Պանկովին որպես ՌԴ նախագահի պաշտոնական ներկայացուցիչ Հայաստանի և Ռուսաստանի միացյալ զորքերի խմբավորման հարցերով»,- ասված է փաստաթղթում:

2016թ նոյեմբերին Պուտինը հաստատեց Կովկասում երկու երկրների` Հայաստան-Ռուսաստան միացյալ զորախմբի ստեղծման նախագիծը:Միացյալ զորախումբը պետք է ապահովեր ադեկվատ արձագանք զինված հարձակման դեպքում, ինչպես նաև երկու երկրների ավտանգությանը սպառնացող այլ սպառնալիքների ու մարտահրավերների դեպքում:

Միացյալ զորախմբի հրամանատարին նշանակում է Հաաստանի ԶՈՒ գերագույն հրամանատարը` դա համաձայնեցնելով Ռուսաստանի ԶՈՒ գերագույն հրամանատարի հետ:

Խաղաղ ժամանակներում միացյալ զորախմբի հրամանատարը ենթարկվում է  Հայաստանի գլխավոր շտաբին, իսկ պատերազմական ժամանակներում` երկու կողմերի համաձայնեցման արդյունքում հնարավոր է ենթարկվի ՌԴ հարավային ռազմական օկրուգի հրամանատարությանը: