Ալթունյանը ժամանակին ծխել է

Կառավարության նիստից հետո լրագրողների հետ ճեպազրույցում առողջապահության նախարար Լևոն Ալթունյանն անդրադարձավ ծխելու դեմ պայքարի ծրագրին: Նա նշեց, որ սեպտեմբերին նախաձեռնում են ծրագրի մշակում, որը կներկայացվի կառավարությանը: Ինչ վերաբերում է եղած արձագանքներին, նախարարը կարծիք հայտնեց, որ արձագանքների 80 տոկոսը կողմ է ծխելու դեմ գործուն միջոցառումների իրականացմանը, 20 տոկոսը` դեմ:

Հարցին` եթե նախարարը ծխող լիներ, կնախաձեռնե՞ր ծխելու դեմ պայքարի միջոցառումներ, Լևոն Ալթունյանը պատասխանեց. «Հազվադեպ եմ  ծխում: Ժամանակին ծխել եմ, և ինձ իրավունք չէի վերապահում արգելել ծխել օֆիսում: Հենց ես թողեցի ծխելը, մենք բոլորով դարձանք չծխող օֆիս»: