Գորիսի ոստիկանապետն ազատվել է աշխատանքից

ՀՀ ոստիկանապետ Վլադիմիր Գասպարյանի հրամանով` այսօր աշխատանքից ազատվել է ոստիկանության Գորիսի բաժնի պետ, ոստիկանության փոխգնդապետ Գևորգ Ազիզյանը։  Այս տեղեկությունը Yerkir.am-ի հետ զրույցում հաստատեցին ոստիկանությունից: Նա ուղարկվել է ոստիկանության կադրերի ռեզերվ։

 Հիշեցնենք, որ Գեւորգ Ազիզյանի լիազորությունները ժամանակավորապես դադարեցվել էին Գորիսում նախորդ տարվա մարտի 8-ին տեղի ունեցած հայտնի աղմկահարույց միջադեպից հետո, ապա նա դարձյալ վերականգնվել էր պաշտոնում: Ըստ մամուլի հրապարակումների՝ նա ծեծի էր ենթարկել իր տեղակալի եղբորը՝ Արթուր Գեւորգյանին: Փաստորեն, սա Գևորգ Ազիզյանի երկրորդ ազատումն է Գորիսի ոստիկանապետի պաշտոնից: