Քուրդ զինյալները հայտարարել են, որ իրենք են խոցել թուրքական ուղղաթիռը

Թուրքիայում ահաբեկչական համարվող Քուրդիստանի բանվորական կուսակցության թևերից մեկը՝ «Ժողովրդապաշտպանական ուժեր» (HPG) խմբավորումը, հայտարարել է, որ իրենք են խոցել Շըրնաք նահանգի Ուլուդերեն շրջանում զինվորականներ տեղափոխող ուղղաթիռը. տեղեկացնում է Gazetekarinca-ն:

Միջանկյալ նշենք, որ ուղղաթիռի կործանման հետևանքով զոհվել էր 13 մարդ: Նրանց թվում էին նաև բարձրաստիճան զինվորականներ:

Թուրքական կողմը պնդում էր, որ ուղղաթիռի կործանման պատճառը եղել է այն, որ այն բախվել է բարձր լարման էլեկտրալարերին:

HPG-ի հայտարարության մեջ նշվել է, որ զինյալները կրակ են բացել ուղղաթիռի ուղղությամբ, որպեսզի այն հեռանա տարածքից: