Վրացի ուժայինները առևանգել և Բաքու են հասցրել ադրբեջանցի ընդդիմադիր լրագրողի

Ադրբեջանցի լրագրող Աֆղան Մուխթարլին ձերբակալվել է Բաքվում և մեղադրվում է սահմանն անօրինաբար հատելու ու մաքսանենգության մեջ. հայտնում է Кавказский узел-ը:

Լրագրողը հերքում է մեղադրանքները և հայտարարում, որ իրեն առևանգել ու ադրբեջանական կողմին են հանձնել վրացի ուժայինները:

Спутник-ը հայտնում է, որ լրագրողը 2015-ից բնակվում է  Թբիլիսիում և հայտնի է որպես ընդդիմադիր, Ադրբեջանի իշխանություններին քննադատող լրագրող:

Լրագրողի փաստաբան Էլչին Սադիղովը Кавказский узел-ին պատմել է, որ անհայտ անձինք նրան ուժով նստեցրել են «Օպել» մակնիշի մեքենա և հասցրել Ադրբեջանի սահմանապահ ուղեկալներից մեկն ու նրա մոտ 10 հազար եվրո թողել, որպեսզի հետագայում մեղադրեն մաքսանենգության  և սահմանը անօրինաբար հատելու մեջ:

«Իհարկե, ֆանտաստիկ վարկած է, ինչո՞ւ պետք է, ռեպրեսիաներից վախենալով, Ադրբեջանից փախած մարդը վերադառնա այստեղ, այն էլ` ոչ լեգալ ճանապարհով»,- ասել է փաստաբանը: