Մակրոնը չի բացառել Ռուսաստանի դեմ նոր պատժամիջոցների սահմանումը

Երեկ Փարիզում կայացել են ՌԴ նախագահ Վլադիմիր Պուտինի և Ֆրանսիայի նախագահ Էմանուել Մակրոնի բանակցությունները, որից հետո ղեկավարները հանդես են եկել մամուլի ասուլիսով. հայտնում է РИА Новости-ն:

Մակրոնը հայտարարել է, որ հնարավոր է համարում ՌԴ-ի նկատմամբ նոր պատժամիջոցների սահմանում, եթե Ուկրաինայում հակամարտությունը սրվի: Պուտինը, իր հերթին, նշել է, որ պատժամիջոցները ոչ մի կերպ չեն մոտեցնի Կիևին և չճանաչված հանրապետություններին խաղաղությանը:

Խոսելով Սիրիայի մասին` Մակրոնը նշել է, որ մտադիր է հասնել երկրում դեմոկրատական փոփոխությունների: «Մենք փորձել ենք մոտեցման կետեր գտնել»,- ասել է  Պուտինը: Մակրոնը նշել է, որ բանակցությունների արդյունքում ի հայտ է եկել համատեղ գործելու հնարավորություն:

Նախագահները միակարծիք են եղել ահաբեկչության հարցում: Երկու ղեկավարներն էլ հայտարարել են, որ մտադիր են պայքարել այդ չարիքի դեմ: