Օտարերկրյա ներդրողները հրաժարվում են Թուրքիայում նոր պայմանագրերից

Թուրքիայի արդյունաբերողների և գործարարների միության (TÜSİAD) տնօրենների խորհրդի նախագահ Էրոլ Բիլեջիքը անդրադարձել է ռազմական հեղաշրջման փորձից հետո հայտարարված արտակարգ դրության հետևանքներին:

Ըստ Sputnik-ի թուրքական ծառայության` Բիլեջիքը նշել է, որ արտակարգ դրության պայմաններում օտար ներդրողները հրաժարվում են նոր պայմանագրեր կնքել: Նա ընդգծել է, որ, արտակարգ դրության ռեժիմին զուգահեռ, բացասաբար են ազդում նաև ռեժիմին հաջորդած ընտրությունները, ահաբեկչական գործողությունները, անվտանգության ցածր մակարդակն ու ներգաղթյալների հարցը, որոնց պատճառով խնդիրներ են ծագում նաև ուղևորությունների և առողջապահական ապահովագրության ոլորտում: 

«Քանի դեռ չունենք իրավական, ժողովրդավարական պետություն և ազատ հասարակություն, չենք կարող խոսել աշխատատեղեր ստեղծելու և ներդրումներ ներգրավելու հեռանկարի մասին»,- ասել է Բիլեջիքը: