Այդ հրատարակչությունը փաստաթղթավորել է Թուրքիայի հանցագործությունների պատմությունը. Կարո Փայլանն արձագանքել է «Բելգե»-ի դեմ գործողությանը

Թուրքիայի ոստիկանությունը մայիսի 7-ի երեկոյան գրոհել է հայտնի «Բելգե» հրատարակչության գրասենյակը և առգրավել ավելի քան 2000 գիրք:

Միջանկյալ նշենք, որ սույն խմբագրությունն առաջիններից էր, որը անդրադարձել է Հայոց ցեղասպանության թեմային:

Տեղեկությունը հաստատել է հրատարակչության հիմնադիր տնօրեն,  պատմաբան, Թուրքիայում մարդու իրավունքների պաշտպան Ռագըփ Զարաքօլուն:

Դեպքին անդրադարձել  նաև Թուրքիայում քրդամետ Ժողովուրդների դեմոկրատական կուսակցության հայ պատգամավոր  Կարո Փայլանը: Նա իր թվիթերյան էջում գրել է. «Բելգե» հրատարակչությունը փաստաթղթավորել է Թուրքիայի հանցագործությունների պատմությունը: Ձեր առգրաված գրքերը գոնե կարդացեք»:

Նշենք, որ գրքերի առգրավումը անօրինական է, քանի որ դատական որոշում չի եղել: