«Գնումների աջակցման կենտրոն» ՊՈԱԿ-ը կլուծարվի

Կառավարության վաղվա նիստի օրակարգում ներառված է կառավարության աշխատակազմի «Գնումների աջակցման կենտրոն» պետական ոչ առևտրային կազմակերպությունը լուծարելու մասին հարցը:

Պետական գնումների ոլորտում իրականացվող բարեփոխումների շրջանակում ՀՀ Ազգային Ժողովի կողմից 2016 թվականի դեկտեմբերի 16-ին ընդունված «Գնումների մասին» ՀՕ-21-Ն օրենքով նման ինստիտուտ նախատեսված չէ, ինչով պայմանավորված վերանում է ՊՈԱԿ-ի գործունեության անհրաժեշտությունը:

Ընդ որում «Գնումների մասին» ՀՕ-21-Ն օրենքով ՀՀ ֆինանսների նախարարությանն անցած լիազորությունների իրականացման համար նախատեսվում է ավելացնել թվով 26 հաստիքային միավոր: