ԱՄՆ-ն ավիահարվածներ է հասցրել Սիրիայում. Կրեմլը արձագանքել է

ՌԴ նախագահ Վլադիմիր Պուտինը կարծում է, որ ԱՄՆ-ի ավիահարվածները Սիրիայում կվնասեն ռուս-ամերիկյան հարաբերություններին, ինչպես նաև նոր խոչընդոտներ կստեղծեն ահաբեկչության դեմ պայքարի համար: Այդ մասին հայտարարել է ՌԴ նախագահի մամուլի քարտուղար Դմիտրի Պեսկովը. հայտնում է РИА Новости-ն:

Պուտինը դա նաև ագրեսիա է անվանել սուվերեն պետության դեմ:

ԱՄՆ-ն երեկ թևավոր հրթիռներով հարվածել է Սիրիայի արևմտյան Հոմս նահանգում գտնվող կառավարական ուժերի ռազմաբազային:

ԱՄՆ նախագահ Դոնալդ Թրամփը հայտարարել է, որ դա բխում էր ԱՄՆ ազգային անվտանգության կենսական շահերից: Հարվածի թիրախը Շայրաթ ռազմաբազան էր, որտեղից, ամերիկյան իշխանությունների կարծիքով, իրականացվել են քիմիական հարձակումները: