Ֆիյոնը վստահ է կնոջ անմեղությանը և չի պատրաստվում հրաժարական տալ

Ֆրանսիայի նախագահի պաշտոնի թեկնածու, նախկին վարչապետ Ֆրանսուա Ֆիյոնը «BFMTV» հեռուստաալիքի եթերում վստահություն է հայտնել, որ իր կնոջը՝ Պենելոպա Ֆիյոնին, մեղավոր չեն ճանաչի, հայտնում է «РИА Новости»-ն:

«Դա տեղի չի ունենա, որովհետև իմ կինը չի դատապարտվի», - հայտարարել է Ֆիյոնը ի պատասխան հաղորդավարի այն հարցին, որ եթե նա հաղթի նախագահական ընտրություններում, բայց դատարանը նրա կնոջը մեղավոր ճանաչի, արդյոք քաղաքական գործիչը հրաժարական կտա:

«Եթե ես թեկուզ ամենափոքր կասկածն ունենայի իմ մեղավորության հարցում, ես չէի դառնա նախագահի ընտրությունների թեկնածու», - նշել է Ֆիյոնը:

Ֆրանսիայի նախագահի ընտրությունները տեղի կունենան երկու փուլով՝ ապրիլի 23-ին և մայիսի 7-ին: