Թուրքիայում միայն մարտ ամսին 35 կին է սպանվել, 63 երեխա՝ սեռական ոտնձգության ենթարկվել

Թուրքիայում կանանց սպանությունների դեմ պայքարող կազմակերպությունը զեկույց է հրապարակել, համաձայն որի` երկրում միայն մարտ ամսին սպանվել է 35 կին:

Ըստ Demokrathaber-ի՝ զեկույցում տեղ են գտել նաև տվյալներ սեռական ոտնձգության ենթարկվածների մասին: Այսպես՝ մարտ ամսին սեռական ոտնձգության է ենթարկվել 63 երեխա, 14 կին՝ սեռական բռնության:

Կազմակերպությունը համեմատել է այս տարվա մարտ ամսվա սպանությունները նախորդ տարվա նույն ամսի հետ, ինչից պարզ է դարձել, որ այս տարվա մարտ ամսվա ընթացքում կանանց սպանությունների թիվն ավելացել է 4-ով՝ հասնելով 35-ի:

Զեկույցի համաձայն՝ կանանց սպանության ամենաշատ դեպքերն արձանագրվել են Ստամբուլում՝ 8, Բուրսայում և Գազիանթեփում՝ 4, Մալաթիայում և Հաթայում՝ 2: