Լուկաշենկոն հրամայել է պաշտոնյաներին` աշխատանքի տեղավորել բոլոր բարեկամներին ու սիրուհիներին

Բելառուսի նախագահ Ալեքսանդր Լուկաշենկոն հրահանգել է պաշտոնյաներին` աշխատանքի տեղավորել բոլոր բարեկամներին. հայտնում է РИА Новости-ն:

Մինսկում «ձրիակերների մասին հրամանագրի» վերաբերյալ խորհրդակցության ժամանակ Լուկաշենկոն հայտարարել է, որ պաշտոնյաների բարեկամները չեն կարող վճարել «ձրիակերների հարկը» և չաշխատել:

«Եթե կինը կամ սիրուհին հիվանդ է՝ կբուժենք: Եթե նրանք կարող են աշխատել՝ նրանց տեղավորեք աշխատանքի»,- ասել է նախագահը՝ հավելելով, որ դեռ չի ցանկանում կոնկրետ անուններ նշել:

Բելառուսի նախագահը 2015-ի ապրիլին ստորագրել է, այսպես կոչված, «ձրիակերների մասին» օրենքը, որի համաձայն` ավելի քան կես տարի  չաշխատող և հարկեր չմուծող աշխատունակ բնակիչները պետք է ամեն տարի վճարեն մոտ 200 դոլարի չափով տուգանք: