Այսօր մեկնում եմ Համբուրգ, ոչ ոք չի կարող այցիս խոչընդոտել. Չավուշօղլուն համառորեն ուզում է մեկնել Գերմանիա

Թուրքիայի ԱԳ նախարար Մևլութ Չավուշօղլուն համառորեն ուզում է մեկնել Գերմանիա, ուր այցելությունն արդեն 2-րդ անգամ չեղարկվում է:

Ըստ Demokrathaber-ի՝ սահմանադրական փոփոխությունների վերաբերյալ քարոզարշավ իրականացնելու նպատակով Չավուշօղլուն այց է նախատեսել Համբուրգ: Նա հայտարարել է, որ այսօր երեկոյան կհանդիպի Համբուրգի թուրքերի հետ, և ոչ ոք չի կարող խոչընդոտել իր այցին:

«Ցավալի է Եվրոպայի վիճակը: Կան իշխանություններ, որոնք գերի են դարձել ռասիստական կուսակցություններին: Սա մտահգիչ է: Ես այսօր մեկնում եմ Համբուրգ և երեկոյան հանդիպում կունենամ մեր քաղաքացիների հետ: Իմ այցին ոչ ոք չի կարող և չպետք է անգամ փորձի խոչընդոտել»,- հայտարարել է Չավուշօղլուն:

Նշենք, որ թուրք նախարարին արդեն երկրորդ անգամ թույլ չեն տալիս նախընտրական քարոզչության շրջանակում ելույթ ունենալ Համբուրգում: