Ադրբեջանը Հայաստանից 20 անգամ ավելի շատ զենք է գնել. զեկույց

Ստոկհոլմի Խաղաղության հիմնախնդիրների ուսումնասիրության միջազգային ինստիտուտը (SIPRI) զենքի համաշխարհային վաճառքի մասին հերթական զեկույցն է հրապարակել, որում անդրադարձ կա նաև Հայաստանի և Ադրբեջանի կողմից զենքի ներմուծմանը. տեղեկացնում է Rusarminfo-ն:

Ըստ զեկույցի` 2012-2016 թթ. Ադրբեջանը Հայաստանից 20 անգամ ավելի շատ զենք է գնել, ընդ որում` Ադրբեջանը վերջին տարիներին այն երկրների շարքում է, որոնք մշտապես զենք են ձեռք բերում Ռուսաստանից. տարեկան գնում է Ռուսաստանում արտադրված սպառազինության 4 տոկոսը:

Զեկույցի համաձայն` 2012-2016 թթ. աշխարհում ռազմաարդյունաբերական ոլորտի ամենախոշոր արտահանողները Ռուսաստանն ու ԱՄՆ-ն են: