Իսպանիայի թագավորի փեսան դատապարտվել է 6 տարի 3 ամիս ազատազրկման

Իսպանիայի թագավորի քույրը` արքայադուստր Քրիստինան, անմեղ է ճանաչվել ֆինանսական խարդախությունների գործով, մինչդեռ նրա ամուսինը` Ինյակի Ուրդանգարինը դատապարտվել է 6 տարի 3 ամիսի ազատազրկման: Դատավճիռը կայացրել է Պալմա դե Մայորկայի դատարանը. հայտնում է ТАСС-ը:

Սակայն Քրիստինա դը Բուրբոնը պետք է 265 հազար եվրո տուգանք վճարի, իսկ նրա ամուսինը` 512 հազար եվրո:

Ըստ դատական գործի` Ուրդանգարինի և նրա գործընկեր Դիեգո Տորեսի ղեկավարած «Ինստիտուտ նոոս» հասարակական կազմակերպության գործունեությունը ծածկույթ է եղել Բալեարյան կղզիների և Վալենսիայի բյուջեներից խոշոր գումարներ ստանալու և մի խումբ անձանց կողմից յուրացվելու համար: Այդ եղանակով յուրացվել է ավելի քան 6 մլն եվրո: