Գերմանիայի ՍԴ-ն մերժել է Հայոց ցեղասպանության ճանաչման դեմ ուղղված հայցը. թուրք փաստաբանը սպառնում է դիմել ՄԻԵԴ

Գերմանիայի Սահմանադրական դատարանը մերժել է Բունդեսթագի՝ Հայոց ցեղասպանությունը ճանաչող որոշման դեմ ներկայացված հայցը:

Ըստ Diken-ի՝ Սահմանադրական դատարան դիմել էր ծագումով թուրք փաստաբան Ռամազան Աքբաշը՝ պահանջելով չեղարկել Հայոց ցեղասպանությունը ճանաչող ու դատապարտող` խորհրդարանի որոշումը, սակայն մերժում էր ստացել:

Դատարանը, որպես  հիմնավորում, նշել է, որ չկան բավարար ապացույցներ, որե Բունդեսթագի որոշումը ոտնահարում է հայցվորի հիմնարար կամ հարակից իրավունքները:

Թուրք փաստաբանը հայտարարել է, որ պատրաստվում է առաջիկայում հայց ներկայացնել նաև Մարդու իրավունքների եվրոպական դատարան:

Հիշեցնենք, որ 2016 թվականի հունիսի 2-ին Գերմանիայի խորհրդարանն ընդունեց Հայոց ցեղասպանությունը ճանաչող, դատապարտող և Գերմանիայի մեղսակցությունն ընդունող բանաձև: Այդպիսով` Գերմանիան դարձավ Ցեղասպանությունը ճանաչած 29-րդ երկիրը: