Բրիտանացիները արդեն գիտեն, թե ինչպես են վարվելու․ Յունկեր

Եվրահանձնաժողովի նախագահ Ժան-Կլոդ Յունկերը չի բացառում, որ ԵՄ-ից Մեծ Բրիտանիայի դուրս գալը միության մյուս անդամների միջեւ տարաձայնություններ կառաջացնի: Այս մասին նա հայտարարել է Deutschlandfunk ռադիոկայանի հետ հարցազրույցում: 

«Մյուս 27 երկրները դեռեւս չգիտեն, սակայն բրիտանացիներն արդեն հիմա գիտեն, թե ինչպես են վարվելու: Նրանք կարող են «Ա» երկրին մի բան խոստանալ, «Բ» երկրին՝ մեկ այլ բան, «Գ» երկրին՝ եւս ինչ-որ բան, իսկ վերջնարդյունքում դա եվրոպական միավորված ճակատի վերջը կնշանակի»,- ասել է նա՝ հավելելով, որ Մեծ Բրիտանիան առեւտրային գործարքների բանակցությունների չի կարող վարել այնքան ժամանակ, քանի դեռ Եվրամիության անդամ է համարվում: