Դեմկուսը լքեց Օսկանյան-Օհանյան դաշինքը

Դեմոկրատական կուսակցությունը լքում է Օսկանյան-Օհանյան դաշինքը: Այս մասին այսօր լրագրողներին հայտնեց կուսակցության նախագահ Արամ Սարգսյանը:

«Եթե կուսակցություններով միավորվել ենք, ապա պետք է դա լինի խորհուրդ, իսկ եթե խորհուրդ է, ուրեմն որոշումները համատեղ պետք է կայացվեն: Բայց մեզ հետ չեն քննարկել, կենտրոնացած են ցուցակ կազմելու վրա: Դա մեզ համար հարիր չէ, ընդունելի չէ»,- ասաց նա:

Հիշեցնենք, որ Պարույր Հայրիկյանն էլ էր հայտարարել, որ եթե շարունակվեն ցուցակի շուրջ գզվռտոցները, ինքը ևս լքելու է այդ դաշինքը: Այսօր մամուլում շրջանառվեցին տեղեկություններ, որ նաև Վիկտոր Դալլաքյանն է պատրաստվում լքել Օսկանյան-Օհանյան դաշինքը: