Կառավարությունը կզարգացնի արտահանման ուղղվածություն ունեցող ճյուղերը

Այսօր կառավարության նիստում ՀՀ տնտեսական զարգացման և ներդրումների նախարար Սուրեն Կարայանը ներկայացրեց որոշման նախագիծ, որը նախատեսում է արտահանման ուղղվածություն ունեցող ճյուղերի մրցունակության բարձրացում՝ արդիականացման և շուկան մատչելի դարձնելու միջոցով: Այդ շրջանակներում նաև կստորագրվի  «Հայաստանի արտահանման ուղղվածություն ունեցող ճյուղերի մրցունակության բարձրացում` արդիականացման և շուկան մատչելի դարձնելու միջոցով»  երկրորդ փուլի ծրագիրը:

Վարչապետը հարց ուներ. «Այստեղ նշված է, որ այդ միջոցներն ուղղվելու են ռազմավարական ծրագրերի աջակցման կենտրոն: Մենք ի՞նչ արդյունք ենք ունենալու այդ ծրագրով»:

Նախարարը պատասխանեց, որ ծրագրի արդյունքում կունենանք թեթև արդյունաբերության ոլորտի զարգացման նոր ռազմավարություն, նաև ակնկալվում է բարձրացնել թեթև արդյունաբերության մրցունակությունը Հայաստանում: