Լեհաստան է ժամանել 300 ամերիկացի զինծառայող

Շուրջ 300 ամերիկացի զինծառայողներից կազմված խումբը չորեքշաբթի ժամանել է Լեհաստան` ՆԱՏՕ-ի կողմից հաստատված ծրագրի շրջանակներում դաշինքի ներկայությունը Արևելյան Եվրոպայում ամրապնդելու համար:

Ինչպես տեղեկացնում է INTERFAX.RU-ն,  զինծառայողներին տեղափոխող ինքնաթիռը մեկնել է Գերմանիայից և վայրէջք  է կատարել Լեհաստանի Պոզնան քաղաքում: Այսպիսով, Լեհաստանում արդեն շուրջ 1300 ամերիկացի զինծառայող է գտնվում:

Հաղորդվում է նաև, որ հունվար ամսվա ընթացքում ՆԱՏՕ-ի ուժերը կշարունակեն ժամանել Լեհաստան: Այդ զորքերը մի շարք ուսումնական զորավարժություններ կանցկացնեն, որից հետո կտեղաբաշխվեն մի քանի երկրում` Լեհաստանում, Բուլղարիայում, Ռումինիայում և Բալթյան երկրներում: