Եվրոպայում սառնամանիքի հետևանքով 20-ից ավելի մարդ է մահացել

Վերջին երկու օրերի ընթացքում Եվրոպայում ցրտահարության հետևանքով մահացել է ավելի քան 20 մարդ, այդ թվում` փախստականներ և անօթևաններ: Այս մասին հայտնում է BBC-ն: Միայն 10 մարդ մահացել է Լեհաստանում, որտեղ օդի ջերմաստիճանը նվազել է -14 , իսկ որոշ շրջաններում՝- 20 աստիճանով:

Հարավային Գերմանիայի լեռնային շրջաններում օդի ջերմաստիճանն իջել է մինչև -26 աստիճան, և մի շարք ավտոմայրուղիներում մերկասառույց է առաջացել:

Չեխական իշխանությունների հաղորդմամբ էլ անցած գիշեր Պրահայում այս ձմռան ամենացուրտ օրն է գրանցվել:

Բուլղարիայում սառնամանիքից մահացել է առնվազն երեք փախստական:

Նշենք, որ անցյալ գիշեր Մոսկվայում ջերմաստիճանը -30-ից ցածր է եղել: Ըստ օդերևութաբանների՝ վերջին 120 տարիների ընթացքում Ռուսաստանի մայրաքաղաքում նման ցուրտ չէր գրանցվել: