Սուրեն Կարայանը միայն դրական փոփոխություններ է տեսնում

Այսօր` կառավարության նիստից հետո, տնտեսական զարգացման և ներդրումների  նախարար Սուրեն Կարայանը լրագրողների հետ զրույցում դրական գնահատականներ տվեց տնտեսության զարգացմանն ու ԵՏՄ անդամակցությանը:

Հայաստանի 2 տարեկան անդամակցությունը ԵՏՄ-ին նախարարը դրական է գնահատում` բացատրելով նրանով, որ ԵՏՄ-ին անդամակցելուց հետո տեղի է ունեցել արտահանման ծավալների աճ դեպի ԵՏՄ շուկա:

 Լրագրողները հետաքրքրվեցին` ինչպե՞ս է գնահատում վարչապետի պաշտոնավարման 100 օրը, արդյո՞ք կան փոփոխություններ: «Միանշանակ, տեսնում եմ  փոփոխություններ ու դրա մասին վկայում են մասնավոր հատվածի արձագանքները»,- ասաց Սուրեն Կարայանը:

Նրա խոսքով` աճ է արձանագրվել արդյունաբերության ոլորտում` շուրջ  6-7 տոկոս, աճ է գրանցվել նաև ծառայությունների ու արտահանման ոլորտում: