Հայտնի է Թուրքիայի մեջլիսում գումարված արտահերթ նիստի պատճառը

Երեկ Թուրքիայի խորհրդարանի նախագահ Իսմայիլ Քահրամանն արտահերթ նիստ էր անցկացրել: Այսօր հայտնի է դարձել արտակարգ նիստ գումարելու պատճառը:

«Ակօս»-ի փոխանցմամբ՝ ձերբակալված քրդամետ պատգամավորների լուսանկարները մեջլիսում ցուցադրելու պատճառով Քահրամանը արտահերթ նիստ է հրավիրել՝ պահանջելով անհապաղ հեռացնել լուսանկարները:

ԺԴԿ-ական պատգամավոր Փերվին Բուլդանը, սակայն, նշել է, որ արտահերթ նիստի պատճառը միայն  կուսակցականների լուսանկարները չեն եղել, այլ՝ պատգամավորների ձերբակալությունը:

Նշենք, որ նոյեմբերի 4-ին Թուրքիայում ձերբակալվել են քրդամետ Ժողովուրդների դեմոկրատական կուսակցության համանախագահներն ու ևս 8 պատգամավորներ: Երեկ ԺԴԿ-ականների դեմ ուղղված գործողությունների շրջանակներում կալանավորվել են ևս երկու կին պատգամավորներ: