Նվազել են ամուսնության և ամուսնալուծության դեպքերը

Հայաստանում նվազել են ամուսնության և ամուսնալուծության դեպքերը:  Այսօր Հայաստանի Ազգային վիճակագրական ծառայության մարդահամարի և ժողովրդագրության բաժնի պետ Կարինե Կույումջյանը լրագրողներին հայտնեց, որ այս տարի գրանցվել է ամուսնության 12 088 դեպք, իսկ ամուսնալուծության` 2682:

Ամուսնությունների թիվը, ըստ նրա, նվազել է 7,9 տոկոսով, իսկ ամուսնալուծությունների թիվը` 4,2 տոկոսով: Հայաստանում 1000 բնակչի հաշվով ամուսնությունների թիվը կազմում է 5,4 պրոմիլ, իսկ ամուսնալուծությւոնների թիվը` 4,2 պրոմիլ:

«Ամենաշատ ամուսնություններ գրանցվել են Երևանում և Կոտայքում, իսկ ամենաքիչը` Գեղարքունիքի մարզում: Ամուսնալուծությունների դեպքերն ամենաշատը տեղի են ունենում Լոռիում և Երևանում, իսկ ամենաքիչն ամուսնալուծվում են Գեղարքունիքի և Տավուշի մարզի բնակիչները. այս մարզերում ամուսնալուծությունների թիվը կազմում է 0,6 տոկոս»,- ասաց Կույումջյանը: