«Նաիրիտ»-ի հարցը չպետք է գլորել քառօրյայից քառօրյա. ԲՀԿ

Այսօր ԱԺ հերթական քառօրյա նիստում վարման կարգով ելույթ ունեցավ ԲՀԿ խմբակցության ղեկավար Նաիրա Զոհրաբյանը: Նա նշեց, որ զարմանալի է, որ կառավարությունը հավանության է արժանացրել ԲՀԿ պատգամավորների նախագիծը «Նաիրիտ»-ի կառավարման գործում հատուկ ռեժիմ սահմանելու վերաբերյալ: Սակայն Զոհրաբյանը դեմ է, որ այդ հարցը «գլորեն քառօրյայից քառօրյա», քանի որ հարցը շատ կարևոր է, այն պետք է քննարկվի արագ, և պետք է արագ լուծումներ տրվեն: Ըստ նրա` ԲՀԿ-ն նախագծով առաջարկում է մեխանիզմներ` հարցի լուծման համար:

ԲՀԿ-ական պատգամավոր Միքայել Մելքումյանն էլ հավելեց, որ «Նաիրիտ»-ի հետ կապված այդ օրինագիծը մանրակրկիտ քննարկել են էներգետիկայի նախարարի հետ, և սխալ է քննարկումը ուշացնել ԱԺ-ում: